Phihlelelo ya tshedimošo
Phihlelelo ya tshedimošo e šireleditšwe ke Karolo ya 32 ya Molaotheo wa Repabliki ya Afrika Borwa, 1996 (Molao No. 108 wa 1996). Go dira gore tokelo ye e šome, Molao wa Tšwetšopele ya Phihlelelo ya Tshedimošo, 2000 (Molao No. 2 wa 2000) (Molao) o tsentšwe tirišong ka kgoeletšo ya semmušo. PAIA e šireletša le go thekga ditokelo tša batho tša go hwetša tshedimošo.
Khomišene ya Ditokelo tša Botho e hlamile tlhahlo ya ka fao go ka šomišwago tokelo efe goba efe yeo e hlalošitšwego ka Molaong bjalo ka ge go nyakega ka Karolo ya 10 ya Molao. Go arabela Karolo ya 14 ya Molao Lekgotla la Phadišano le kgobokeditše pukutlhahli yeo e nago le tshedimošo yeo e laeditšwego ke Karolo ya 14.
Maikemišetšo a pukutlhahli ye ke go
- fana ka tshedimošo ka ga direkhoto tšeo di swerwego ke Lekgotla la Phadišano, le
- hlagiša tshepedišo ya go hwetša tshedimošo yeo e swerwego ke Lekgotla la Phadišano bjalo ka ge go nyakega ka Molao.
Hle kgotla go taonelouta pukutlhahli ka leleme leo o le ratago
TLHAHLO YA KAMOO O KA ŠOMIŠAGO KGATELETŠO YA PHIHLELO YA TSHEDIMOŠO MOLAO WA 2 WA 2000
Šomiša Tlhahlo ye ya PAIA go go thuša go dira dikgopelo tša tshedimošo ka fase ga PAIA. O ka letela go hwetša mehlala ya ka fao PAIA e phethagaditšwego ka gona nakong ye e fetilego go tšwetša pele ditokelo tša botho.