Mop Fiona Tregenna
Leloko la Kgorotsheko (ya nakwana) .BA Honors ka Ekonomi le Dipolotiki, MA (Ekonomi) le PhD (Ekonomi) .
O ile a hwetša Ph.D. ka Ekonomi go tšwa Yunibesithing ya Cambridge, UK, le legoro la gagwe la Master’s la Ekonomi go tšwa Yunibesithing ya Massachusetts, USA. Ga bjale o swere Modulasetulo wa Dinyakišišo wa Afrika Borwa wa DST/NRF ka Tlhabollo ya Diintasteri (SARChI Tlhabollo ya Diintasteri) gomme gape ke Moprofesara wa Ekonomi Yunibesithing ya Johannesburg. Nakong e fetilego Fiona o rutile diyunibesithing gomme o šomile ka dinyakišišo, pholising le go eletša, bobedi ka Afrika Borwa le dinageng tša ka ntle. O dutše ka Dibotong tša dihlongwa tše mmalwa, o šomile ka diphaneleng le mekgatlong ye e fapanego gomme o eleditše mekgatlo ya bosetšhaba le ya boditšhabatšhaba.
Dinyakišišo tša gagwe di gatišitšwe ka dijenale tša maemo a godimo tša boditšhabatšhaba le gape bjalo ka dikgaolo ka dipukung tše mmalwa. Fiona o šoma bjalo ka mosekaseki wa dijenale tše di fapafapanego tša bosetšhaba le tša boditšhabatšhaba. O tšweleditše dinyakišišo tša gagwe dikhonferenseng lefaseng ka bophara. Lekala la mathomo la nyakišišo ya gagwe ke sebopego sa lekala la diekonomi le diphetogo tšeo di lego go tšona, mabapi le kgolo, ka nepo ye e kgethegilego go go tlošwa ga diintasteri le ditaba tše di amanago le tšona. Mafelo a mangwe a nyakišišo a akaretša bodiidi, go se lekalekane le tlhokego ya mešomo. O amogetše difoka tše mmalwa ka dinyakišišo tša gagwe gomme ke leloko le le kgethilwego la Academy of Science of South Africa (ASSAf).
Ka gare ga lefapha la phadišano, ka 1997/1009 Fiona o tšere karolo ditherišanong tša NEDLAC tšeo di lebišitšego go tsebagatšo ya Molao wa bjale wa Phadišano. Bjalo ka Modirišani wa Morutiši Yunibesithing ya Cambridge o akaretša dihlogo tše di fapafapanego ka go ekonomi ya phadišano le mokgatlo wa intasteri. O phatlaladitše lefapheng la mokgatlo wa intasteri.