Lekgotla la Phadišano le thibela kopanyo ya Vodacom / Maziv

Lekgotla la Phadišano (“Tribunal”) lehono le ntšhitše taelo ya lona yeo e thibelago kgwebišano ye e šišintšwego yeo e akaretšago Vodacom (Pty) Ltd (“Vodacom”) le Business Venture Investments No 2213 (Pty) Ltd, yeo gape e tsebjago bjalo ka “Maziv”.

Kgwebišano ye e šišintšwego e be e tla kopanya modiriši yo mogolo wa diselefouno wa naga, Vodacom, le yo mongwe wa dibapadi tše kgolo tša mananeokgoparara a tlhale tša Afrika Borwa, Maziv. Maziv ke khamphani yeo e laolwago ka botlalo ya Community Investment Ventures Holdings (Pty) Ltd (“CIVH”). CIVH e na le dikhamphani tše pedi tše kgolo tša ka fasana tša tshepedišo, Dark Fiber Africa (Pty) Ltd le Vumatel (Pty) Ltd.

Mabapi le kgwebišano ye e šišintšwego, Vodacom e be e ikemišeditše go hwetša dišere tše itšego ka go Maziv le go rekišetša Maziv dithoto tše itšego.

Sephetho sa Lekgotla sa go thibela kopanyo ye e šišintšwego se latela theeletšo ye e nabilego yeo e diregilego ka matšatši a 26 magareng ga la 20 Motsheganong go fihla ka la 27 Lewedi 2024. Mekgatlo e dirile gape ditlhagišo tše dingwe tše di ngwadilwego ka morago ga se, tša mafelelo tša tšona e amogetšwe ke Lekgotla ka la 16 Diphalane 2024.

Nakong ya theeletšo, Lekgotla le kwele bohlatse go tšwa go dihlatse tša nnete tše di fapafapanego go akaretšwa go tšwa go ye nngwe le ye nngwe ya mekgatlo yeo e kopantšwego, Frogfoot Networks (Pty) Ltd, Telkom Consumer and Small Business and Mobile Networks of Telkom Consumer and Small Business, dikarolo tša Telkom SA SOC Ltd, Mobile Telephone Networks (Pty) Ltd (“MTN”) le Rain (Pty) Ltd. Ka kgopelo ya Lekgotla, Hero Telecoms (Pty) Ltd le yona e file bohlatse bja nnete.

Go tlaleletša go dihlatse tša nnete tša difeme tše di boletšwego ka mo godimo, ditsebi tše nne tša ekonomi di tšweleditše bohlatse legatong la Khomišene ya Phadišano, mekgatlo yeo e kopantšwego le MTN.

Kgoro ya Kgwebišano, Intasteri le Phadišano le Mokgatlo wa Bašomi ba Dikgokagano le tšona di tšere karolo tshepedišong ye.

Mabaka a Lekgotla la sephetho sa lona a tla ntšhwa ka nako ye e swanetšego.

E ntšhitšwe ke:

Gillian de Gouveia, Molaodi wa Dikgokagano

Legatong la Lekgotla la Phadišano la Afrika Borwa

Sele: +27 (0) 82 410 1195

E-Mail ya go dira dilo: GillianD@comptrib.co.za

Twitter: @comptrib