Morena Geoff Budlender S. C., le ba bangwe
Tribunal Member (acting part-time)BA LLB (Motse Kapa), LL D (hc) (Motse Kapa)
Geoff Budlender SC ke mmueledi yo a nago le maitemogelo yo a šomago ka Motsekapa. O ikgethile dikarolong tša molao wa molaotheo, go akaretšwa ditokelo tša botho le molao wa taolo le dikarolo tše dingwe tša molao wa setšhaba. O na le maitemogelo a magolo a go sekiša ka Kgorongtsheko ya Molaotheo, Kgorokgolo ya Tsheko ya Boipiletšo, Dikgorotsheko tša Godimo le Kgorotsheko ya Ditleleimi tša Naga. O šomile bjalo ka moahlodi wa Kgorotsheko ya Godimo ka Johannesburg le Motse Kapa. O tsebega kudu ka mošomo wa gagwe bjalo ka mmueledi wa ditokelo tša botho. O hlomile mmogo le Senthara ya Methopo ya Molao ka 1979 gomme a šoma ka melato ya bohlokwa go akaretšwa go fedišwa ga kotlo ya lehu ka Afrika Borwa le go phatlalatšwa ga dihlare tša go lwantšha twatši nageng ka bophara. Ka 2021 o filwe Sefoka sa Pro Bono sa Mokgatlo wa Boditšhabatšhaba wa Bar ka lebaka la go aba ditirelo tša pro bono tša khuetšo ye kgolo go šireletšeng ditokelo tša botho mo nakong ya mošomo wa gagwe wa mengwaga ye 45 ka molao.