Mehuta ya Dikgetse
Lekgotla la Phadišano le na le maatla a go lebelela le go theeletša mehuta ye e latelago ya melato.
Khomišene ya Phadišano (“Khomišene”) e laetšwe go nyakišiša dikopano tše kgolo pele e dira tšhišinyo go Lekgotla la Phadišano (“Lekgotla”). Ke moka Lekgotla le ahlola ka ga kopanyo yeo gomme le tšea sephetho.
Khomišene e filwe gape taelo ya go nyakišiša dikopano tše nnyane le tša magareng le go tšea diphetho. Mekgatlo yeo e kopanyago e ka dira boipiletšo go Lekgotla go lebelela gape sephetho sa Khomišene sa go thibela goba go dumelela ka mabaka kopanyo ye nnyane goba ya magareng.
Ditshepetšo tša kopanyo ya lekgotla la phadišano (bobedi tše nnyane le tša magareng) go ya ka karolo ya 16(1) Ditshepetšo tša kopanyo ya lekgotla la phadišano (tše kgolo) go ya ka karolo ya 14(a) Ditsebišo tša kopanyo le ditshepedišoGe khamphani ya gago e tla be e le ka fase ga kopanyo hle hlahloba ditokomane tše di lego ka mo tlase go netefatša gore o tsebišitšwe gabotse ka ga melawana le ditshepedišo tša Khomišene ya Phadišano le Lekgotla la Phadišano.
Molao wa phadišano
Molao wa phadišano ka go šupa go dikopano
Taolo ya Kopano Kgaolo ya 3 ya Molao e fetotšwe go fihla sebopegong sa yona sa bjale ka karolo ya 6 ya Molao wa Phetošo ya Bobedi ya Phadišano, 39 wa 2000.
Melawana ya lekgotla la phadišano
Melawana ya lekgotla la phadišano ya dikopano
Melawana ya Lekgotla la Phadišano ya Ditshepetšo tša Kopanyo e ntšhwa go ya ka Karolo C (Melawana ya 29-37) ya Melawana ya Lekgotla la Phadišano
Taelo ya go ntšha mabaka a Dikopano tša Legoro la Kgato ya 1 le Kgato ya 2
Melawana ya khomišene ya phadišano
Melawana ya khomišene ya phadišano ya dikopano
Melawana ya Tshepetšo ya Kopanyo ya Khomišene ya Phadišano e ntšhwa go ya ka Karolo ya 6 (Melawana ya 24-41) ya Melawana ya Khomišene ya Phadišano
Diforomo tša kopanyo le tša go hwetša khomišene ya phadišano
Dintlha/ditlhahlo tša go itlwaetša khomišene ya phadišano
Meelo ya go lekana
Tsebišo ya moedi
Phetošo ya phetho ya meelo ya kopanyo bjalo ka ge e ntšhitšwe go ya ka karolo ya 11 ya Molao wa Phadišano, 1998 (Molao No. 89 wa 1998) .
Dingongorego kgahlanong le mokgwa wo go thwego o ileditšwe (Molao Kgaolo ya 2, karolo ya A le B) di faelwa go, le go nyakišišwa ke, Khomišene ya Phadišano. Khomišene ya Phadišano e ka thoma ngongorego ya yona gomme nako efe goba efe, ka morago ga go thoma ngongorego, Khomišene ya Phadišano e ka tšea sephetho sa go e fetišetša go Lekgotla gore e ahlolwe. Khomišene ya Phadišano e ka nyakišiša gape dingongorego tšeo di tsentšwego ke mekgatlo ya praebete. Tabeng ye bjalo Khomišene ya Phadišano e ka fetišetša taba yeo go Lekgotla la Phadišano goba ya ntšha setifikeiti sa go se fetišetše. Tabeng ya go se fetišetšwe, mongongoregi a ka tliša molato thwii go Lekgotla la Phadišano gore o ahlolwe.
Go fetišetšwa ga dingongorego go ya ka dikarolo tša 50 & 51Mekgatlo yeo e robilego Molao e ka kgetha go rarolla le Khomišene ya Phadišano nako efe goba efe nakong ya dinyakišišo goba ka morago ga ge taba e fetišeditšwe go Lekgotla la Phadišano. Ge ditumellano tše di tiišetšwa ke Lekgotla la Phadišano di bitšwa ditaelo tša tumelelo.
Tshepedišo ya boipiletšo bja tokollo go ya ka karolo ya 10(8)Maemong a mokgwa wo o ileditšwego, mekgatlo ya praebete e ka batamela Lekgotla la Phadišano go kgopela kimollo ya nakwana ka morago ga ge ngongorego e tsentšwe go Khomišene ya Phadišano.
Feme e ka dira kgopelo go Khomišene ya Phadišano go lokolla tumelelano goba mokgwa go tšwa tirišong ya Molao wo.
Boipiletšo bjo bongwe, ditshekatsheko, diphapano, goba ditshepedišo tša phethagatšo go ya ka karolo ya 27Ditshepetšo di amana le go thoma, go theeletša le sephetho sa ditaba pele ga Lekgotla la Phadišano.
Ditabeng tša mokgwa wo o ileditšwego, Khomišene ya Phadišano e a nyakišiša gomme e ka - ge e laetša bjalo - fetišetša ditaba tše bjalo go Lekgotla la Phadišano gore di ahlolwe.
Lekgotla la Phadišano le tla amogela ditšhupetšo tša thwii go tšwa go maloko a setšhaba ka fase ga mabaka a a latelago.
- Ge Khomišene ya Phadišano e sa fetišetše taba yeo e tlišitšwego ke leloko la setšhaba go Lekgotla la Phadišano, Khomišene ya Phadišano e tla ntšha setifikeiti sa go se fetišetšwe, gomme leloko la setšhaba le ka tliša molato thwii go Lekgotla la Phadišano.
- Ge Kgorokgolo ya Tsheko e fetišetša taba go Lekgotla la Phadišano ka lebaka la gore taba ya phadišano e tšweleditšwe ke bao ba amegago tabeng yeo e lego pele ga kgorotsheko yeo.